Máis que bonito…
gústanos dicir eficaz, notorio, útil… Pero esta vez fixémolo bonito, porque a ocasión o merece. Hoxe ponse en marcha a campaña de promoción de Bonito do Norte Fresco creada por La Nuestra para a Consellería do Mar da Xunta de Galicia. Aproveitando o inicio da temporada deste peixe veredes carteis, trípticos informativos e algún que outro detalle máis nos postos de peixe fresco das grandes superficies comerciais galegas, e actualízase unha web onde poder atopar calquera receita con bonito que necesitemos para dar sabor azul aos mellores xantares de verán.
